| 晴天17℃～29℃ 晨早出门，凉风吹埋嚟差D“中招”感冒，但一到中午就出太阳，件外套又除唔切，焗咗一身汗，仲容易“中招”。不过，未来几日一早一晚都会凉浸浸，所以带番件外套出街系好有必要嘅。至于食咩可以强身健体？阿姐就打算接落嚟一个礼拜都食素菜，排油排毒又减肥。呢个时节最啱食莲藕，煲汤又得，清炒藕片又得，正啊！ 素食一星期 排油排毒又瘦身，瘦身九月廿二 宜: 嫁娶出行 忌： 斋醮安门 每日提醒 的士调价后，有无良的哥将起步价调至12元，市民如遇收费不公情况，可拨打96900投诉。 足球指数 睇英超 就系爽 “人多虾人少”嘅中国男足，依然输咗俾伊拉克队，出征世界杯微乎其微，虽然广州恒大攞到中超冠军，令广州球迷有番D安慰，不过一句讲晒，睇波，仲系要睇英超，哈哈！今个周末开始回归英超，睇下咩系真正嘅足球。 育婴指数 脐带血 存落嚟 有朋友怀孕几个月啦，医生建议佢办手续，生产时保存BB的脐带血，以后万一BB有病需要脐带血，就方便好多啦。又有人话保存手续费太贵，不过为咗BB日后健康着想，咬咬牙，存落嚟啦。 饮食指数 搞怪主题店 视觉也大餐 继珠江新城嗰边开咗广州第一家床吧之后，各种新奇搞怪嘅“主题餐厅”愈嚟愈多，好似喺怡乐路就有间“女仆餐厅”，所有服务员都cosplay，着晒女仆装，睇到D男顾客都眼金金。 艺术指数 《巴黎圣母院》 来广州巡演 近年，愈嚟愈多国际级经典音乐剧嚟广州演出，《巴黎圣母院》嘅亚洲巡演第一站，下个月将喺白云国际会议中心连演5场，有兴趣嘅朋友快D去买票，book番个靓位！ （整理：陈颖雅漫画：王云涛） 陈颖雅 |
